Shayi Shanan Nsen

Jinghpaw Wunpawng Amyu Shayi Hpung Thai Mungdan, 10 ning hpring masat masa lamang hpe Thai Mungdan shara mi kaw 9th September 2009 hta ngwi pyaw ai hte galaw la lu saga ai. Dai nga yang, anhte KWAT ni mung 10 ning hpring hkra shakut sa wa lu ai gaw, grai loi loi hte shakut lai wa ai gaw n rai ga ai. Yak hkak ai lam ni amyu myu hpe jawm hparan jawm bawngban let, shada da kahkyin gumdin nna, bungli ni hpe jawm galaw mat wa ai gaw, awng dang ging ai daram, galaw la lu saga ai.

Dai majaw, lai wa sai mahkrum madup ni hpe lang let, du na ra ai ten hta mung aung dang ai lam ni hpe galaw la lu na matu shakut mat wa na ga ai.

Ya anhte a mungdan kata de na lam ni hpe na yang mung, chyasam masha ni gaw, anhte a mungdan kata de shang nga nna, anhte a amyu sha ni hpe gaw, nhpan sin na de she htawt sit wa shangun maw masai da. Dai hta n-ga anhte amyu ni shada da sat nat hkat shangun na, myu shamyit zai ladat ni hte anhte a Kanu (lamu ga) hpe zing la maw nga sai da.

Maigan mung de nga ai anhte a amyu ni gaw, Karai Kasang kaw anhte hpe shaman chyeju jaw, garum la na matu, mara raw kyu hpyi shajang nga sai re.

Dai rai yang, Anhte Jinghpaw Wunpawng myu sha ni yup mu yup ma nga nmai sai dum hprang ra sai. Anhte gaw kadai re, kadai hta lit nga ai, atsawm sawn sumru yu nna, Kanu Jinghpaw Wunpawng lamu ga ngang grin lu na matu, lit la hpang wa saga ngu ga saw dat nngai law.

Lahtaw Nang Yin
Editor
Shayi Shanan Newsletter
Kachin Women’s Association Thailand

Click here to download full newsletter.