Shayi Shanan Nsen

Munghpawm Myen Mungdan kata, anhte Jinghpaw Wunpawng buga ginra e ya yang, Myen Hpyen gumshem ni gaw, Mung chying sha ni hpe, amyu shamyit lailen hte gasat gala nga ma ai. Num ni hpe roi rip, la num nnga porter shaga adup kayat, kahtawng wan nat dusat yam nga ni hpe kashun kashe rai ma ai majaw, mare buga kaw n mai nga mat, yi sun hkauna dum nta ni hpe tawn kau da nna, hpyen hprawng hprawng ra mat masai. Dai majaw hpyen yen tsin yam ni gaw lani hte lani jat wa nna, mun kaba she rai taw nga sai.

Anhte KWAT ni mung, Mung chying sha ni hpe, Myen Hpyen ni gumshem roi rip zing ri ai lam ni, Mungkan de chye mat wa na matu, October 2011 hta “ Burma’s Covered up War: Atrocities Against The Kachin People” report hpe shapraw dat saga ai.

Dai hta n-ga ya hkyak hkyak, June 2012 hta mung, “ Ongoing Impunity” (Continued Burma Army atrocities against the Kachin People) hpe bai shapraw lu saga ai. Dai majaw hpyen yen tsin yam ni hpe karum mayu ai ni pru wa ai hte, anhte KWAT ni hku nna, dang lu ai maga hku shalai karum ya nga ga ai.

Anhte Jinghpaw Wunpawng myu sha ni yawng mung, ang wa ai lam hku jawm karum shingtau mat wa ga ngu, ga saw mayu ai.

Ndai Shayi Shanan hta, anhte yawng chye la mai ai lam ni hpe ka da ga ai.

Shayi Shanan Newsletter
Kachin Women’s Association Thailand.

Click here to download full newsletter.