Shayi Shanan Nsen

Jinghpaw Wunpawng Amyu Shayi hpung (Thai Mungdan) kaw nna, masha hpaga dut sha hkrum ai mabyin ni hpe 2003- 2004 ning hta shiga mazing ai lam galaw lu ai. 2005 ning hta gaw Jinghpaw Wunpawng amyu shayi ni miwa ga jarik hta dut mari hkrum mat wa ai lam hpe sawk sagawn ai laika buk “ Sum tsan de htawt shalai hkrum ai” (Driven Away) hpe shapraw lu sai. August 5, 2008 ning hta mung Jinghpaw Wunpawng Amyu Shayi ni miwa ga jarik hta grau grau nna dut mari hkrum mat wa ai lam hpe sawk sagawn ai laika buk “Eastward Bound” hpe shapraw lu dat saga ai.

Anhte ndai laika buk ni shapraw mat wa ai a yaw shada ai lam gaw, Jinghpaw Wunpawng amyu shayi ni dut sha hkrum ai lam laning hte laning grau grau law jat wa ai hpe chye na la lu nna, lu sharai ai made jawm sharai mat wa lu na matu

Myen hpyen Asuya ni September, 2005 hta shapraw ai masha hpaga pat hkum makawp maga ai hte seng ai Upadi gaw dut sha hkrum ai Amyu Shayi ni hpe n makawp maga ai hta n-ga dut sha hkrum ai amyu shayi ni nan pyi ndai Upadi hte masha dut sha ai wa re ngu nna, Tara jeyang hkrum nga ai hpe chye na lu na matu

Myen mung kata hta shang galaw nga ai NGOs ni hpe Myen hpyen Asuya a majoi galaw dan ai masha hpaga pat hkum masing a lam hpe mu chye shagun lu na matu

Ndai laika buk hpe Myen, Japan hte Miwa laika hku ga gale nna shapraw mat wa na hku rai sai.

Ndai Shayi Shanan kaw Mung masa hta Amyu shayi ni nga ai sumtang hte kaga chye tawn la ra ai lam ni hpe hti yu ga.

Lahtaw Nang Yin
Editor
Shayi Shanan Newsletter
Kachin Women’s Association Thailand.

Click here to download full Newsletter.