Shayi Shanan Nsen

Simsa ngwi pyaw ai ngasat ngasa lam hpe myit mada nna, wuhpung wuhpawng ni hta myu shayi ni a ahkaw ahkang madang tsaw ai hte shang lawm lu na matu, anhte KWAT ni hku nna, dang di lu ai daram shakut nga ai ten rai nga mali ai.

2011, February 10th -12th ya laman, Thai mung hte Myen mung ga jarit hta KWAT a 6 lang ngu na hkumra zuphpawng hpe galaw la lu saga ai. Hkumra zuphpawng hta, lai wa sai 2009 hte 2010 ning ni hta shamu shamawt galaw mat wa ai bungli masing ni hpe, maram sam ai hta n-ga KWAT a Structure hpe mung maram sam ai hte bai gram galaw shagrin da lu saga ai.

2011- 2012 (2 ning) laman , shawng lam bungli masing ni hta, myu shayi ni mung masa lam hta grau shang lawm wa lu na matu, mung masa machye machyang grau tsaw wa lu na matu hte mungdan kata de shamu shamawt ai lam ni grau galaw mat wa lu na lam ni hpe daw dan da saga ai.

Myu shayi ni hpe lam amyu myu hku roi rip ai lam hte, hpaga shatai dut sha ai lam ni yawng hpe, n nga mat hkra, ninghkap sa wa ai lam mung galaw ding yang, matut shakut galaw sa wa nga ga ai.

Dai ning March 8th, 2011 hta, Mungkan Myu Shayi Nhtoi 100 ning hpring sai re. Anhte KWAT ni hku nna mung, shinggyim hkrang n bung ai a ntsa, lachyen lahka lam n nga ai sha, simani simsa ai wuhpung wuhpawng hpe Democracy lam yan hku, kahkyin gumdin hting-ram sa wa lu na matu shakut nga ga ai law.

Shayi Shanan Newsletter
Kachin Women’s Association Thailand

Click here to download full newsletter.